- ធ្វើអោយស្បែកស្អាត ៖ ដោយសារទឹកខ្មេះមានភាពជាអាស៊ីដ ទើបអាចជួយបិទរន្ធញើស និងធ្វើអោយស្បែកទន់ល្មើយស្អាតជាងមុនអ្នកអាចលាយទឹកខ្មេះបន្ដិចចូលទៅក្នុងក្រែមលាបខ្លួន ដើម្បីបង្កើនប្រសិទ្ធភាពរបស់ក្រែមថែស្បែក។
- បង្កើនភាពភ្លឺរលោង ៖ ស្ដ្រីភាគច្រើនតែងតែលាងជម្រះសាប៊ូកក់សក់ និងក្រែមបន្ទន់សក់មិនអស់ ទើបធ្វើអោយសរសៃសក់ធ្ងន់ និងមើលទៅមិនរលោង។ វិធីកែគឺលាយទឹកខ្មេះ ៥តំណក់ ជាមួយនិងទឹកស្អាត១ចានគោម រួចយកមកស្រោចសរសៃសក់អោយសព្វ ក្រោយពេលប្រើសាប៊ូកក់សក់ និងក្រែមបន្ទន់សក់ រួចសឹមជម្រះចេញដោយទឹកស្អាត។
- ប្រឆាំងរមាស់ស្បែក ៖ ទឹកខ្មេះមានប្រសិទ្ធភាពក្នុងការប្រឆាំងនឹងការរលាក ទើបអាចជួយបន្ថយអាការរមាស់ស្បែករបស់អ្នកបានដោយលាយទឹកខ្មេះចូលទៅក្នុងទឹកដែលងូតបន្ដិចរួចសឹមចូលទៅត្រាំខ្លួន។
- កម្ចាត់អង្គែ ៖ ទឹកខ្មេះមានប្រសិទ្ធភាពក្នុងការប្រឆាំងមេរោគច្រើន ទើបអាចជួយកម្ចាត់បញ្ហាអង្គែបាន ដោយលាយជាមួយទឹកស្អាតក្នុងអត្រាស្មើៗគ្នាដាក់ចូលទៅក្នុងដបស្រ្ប៉ៃយ៍ រួចយកមកបាញ់សរសៃសក់អោយសព្វ។
- សម្រួលទុល្យភាពស្បែក ៖ ទឹកខ្មេះជួយសម្រួលតុល្យភាពស្បែកបានថែមទាំងធ្វើតួនាទីដូចទឹកជូតសម្អាតស្បែក (Toner) ចំពោះអ្នកស្បែកខ្លាញ់ផងដែរ ដោយលាយជាមួយទឹកក្នុងអត្រាស្មើៗគ្នា យកមកជូតលើផ្ទៃមុខមុននឹងលាបក្រែមថែស្បែកមុខ៕
