Chelsea ​លត់​ MK Dons ៥-១ ឡើង​​ប៉ះ​ Man City ជុំ​ទី​៥​ FA Cup

ក្រុម​តោ​ខៀវ​ Chelsea ​បាន​បំបាក់​ក្រុម​ម្ចាស់​ផ្ទះ​ MK Dons ​(ក្រុម​លេខ​២០​នៅ​ Championship) ​ដោយ​លទ្ធផល​ ៥-១ ​ក្នុង​ការ​ប្រកួត​ FA Cup ជុំ​ទី​៤​យប់​មិញ និង​បាន​ឡើង​ទៅ​ជុំ​ទី​៥​ជា​បន្ត ដែល​នឹង​ត្រូវ​​ប៉ះ​ក្រុម​គីឡូ​ធ្ងន់​ Manchester City។

​​​៥​គ្រាប់​របស់​ក្រុម​ភ្ញៀវ​​ Chelsea ​គឺ​រក​បាន​ដោយ​ Oscar ​ហែតទ្រីក​នាទី​ (១៥, ៣២, ៤៤), Eden Hazard ទាត់​បាល់​ពិន័យ​១១​ម៉ែត្រ​នាទី​៥៥ និង​ Bertrand Traore ​នាទី​៦២ ខណៈ​ដែល​ MK Dons ​បាន​​បំបែក​ពងមាន់១​គ្រាប់​ នាទី​២១។

រីឯ​១​គូ​ទៀត​យប់​មិញ​​ដែរ​ Everton ​បាន​យក​ឈ្នះ​លើ​ម្ចាស់​ផ្ទះ​​ Carlisle United ​មក​ពី​ League Two ​ដោយ​លទ្ធផល​ ៣-០ ​ដែល​រក​បាន​ដោយ​ Arouna Kone ​នាទី​ទី​២, Aaron Lennon នាទី​១៤ និង​ Ross Barkley ​នាទី​៦៥។ Everton នឹង​ត្រូវ​ឡើង​ប៉ះ​ Bournemouth ​នៅ​ជុំ​ទី​៥៕